Ceferino de Namunkura: wall mapuche ñi fotüm, küme azche mongen kesukristo mew

1. Tüfachi mapu mew ka tüfachi antü llidtuay Firgen Maria ñi küyen, fey mew müley taiñ rumeñma ayiwküleam. Mari kiñe konchi nofiembre küyen, Champay pingechi lof mew, mülechi Puel mapu, beatifikangelu kiñe weche kona Ceferino Namunkura pingelu. Tüfachi weche neyrkefuy epu tuwün: Puel mapu ka ngulu mapu. Fey mew Iglesia Católica rumeñma ayiwküley, Ngünechen ñi piel mew witrampürami ka pengeluwpay mapuche ñi fotüm mew, ñi küme wentru ngen mew.

2. Tüfachi weche Ceferino, tukulpay ta pelon tain küme miawam ka inayam taiñ che ngen.

2.1. Longko Manuel Namunkura ñi fotüm ngefuy em, ka Rosario Burgos, kiñe chiñura tuwlu Temuko waria püle. Longko küpan ngefuy, choyüngey epu Mari kayu konchi agosto küyen, kiñe Waranka pura pataka pura mari kayu tripantu mew. Ka femuchi fawtizangey Mari kiñe tripantu nielu, fautizayew kiñe misionero wenüyngefulu em ñi pu reñma.

2.2. Chillkatuy Congregación Salesiana Buenos Aires, Viedma ka Frascati mew mülechi nome lafken mapu. Tüfachi weche rumeñma faliltukefuy ni mapuche ngen, welu ka femuechi tukulpay wingka kimün ñi mongen mew. Rumeñma ayifi Ngünechen ñi zungu, fey mew inafi tachi mongen, keyual ñi pu che. Wechewentru ngelu trapumfi tüfachi epu rakizuam: Cristiano rakizuam ka mapuche rakizuam.

2.3. Ceferino ñi piwke rüf wuywulefuy Ngünechen ñi rakizuam mew, fey mew tukulpafi ñi mongen mew, ka femuechi Ngünechen lloeyew ñi wellin mew. Tüfachi weche rumeñma. Weñankawi ka kutrankawi ñi mapuche ngenmu, welu wiñokintulay Firgen Maria Auxiliadora mew kuñiwtukuwi.

2.4. Fey sacerdote ngean pilefuy ñi rakizuam mew, welu ngünechen ñi piel mu ka rüpu elueyew ka pengeleyew. Kutran kiñe weza kutran tuberculosis pingelu lagümeeyew, pelay lawen, fey lapuy lawentuwe ruka mew ka mapu, Roma pingechi mapu lapuy kine Mari konchi mayo kuyen mew, kiñe pataka aylla waranka kechu tripantu mew. Niefuy Mari pura tripantu.

3. Rumeñma ta püyeniefiyiñ tüfachi weche, ñi molfüñ mew ka niefuy em pu chileno ñi molfüñ, ka femuechi ñi katoliko ngen mu. Tüfa ta trapumi epu rume kimün, rakizuam, ka feyentun fey mew rumeñma fali ta inchin mew.

4. Ceferino mapuche küpanche ngefuy, fey mew rumeñma poyekefuy ñi pu che, ka femuechi inchin taiñ pu katoliko ngen faliltufiyin tufachi zungu, kom mapuche am kutrankaukelu, tüfachi weche ka femuechi kutrankawi, fey mew mülkey ta faliltuafiel.

5. Tüfachi beatificación tukulpay tain rakizuam mew kom che nielu lif piwke, kümeke piwke ka kümeke rakizuam. welu ka femuechi piwayn fachiantu petu mülekay wezake rakizuam, ka femuechi petu ta sufriley ka weñanküley ta pu mapuche.

6. Pu peñi pu lamngen küpaley zewma ta antü beatifikangealu ta Ceferino, fey mew müley tain ngillatuleal ka llellipuael, tüfachi kona rangin mapuche mew tremfuy Ngünechen ñi fotüm, fey ta eleeyew , welu ngoymalay ñi mapuche ngen. Kom che mülefuy ñi faliltuafiel chumuchi pu pueblo originario tukulpay ñi mongen ka rakizuam tufachi nag mapu tiñ zoy che ngeam.

7. Ngünechen tukulpayaymi tami newen tüfachi wallontu mapu, ka pu wechekeche mew ñi inayael tufachi rüpu ka tüfachi mongen, keyual tain zoy kümeke che ngeam, witrapüramnieal re kümeke zungu.

† Alejandro Goic Karmelic

Obispo de Rancagua

Presidente de la Conferencia Episcopal de Chile

Santiago de Chile, 8 de Noviembre de 2007.